【激罕高調曬愛】陳展鵬宣佈婚訊後首PO文:也是唯一的

    41歲藝人陳展鵬(煎Pan)尋日宣布下月娶細佢13年嘅單文柔(Phoebe),更被爆先後求過兩次婚(相關新聞: https://goo.gl/SBb1VU),真係恭喜晒!煎Pan情歸Phoebe後,就一改以往低調處理感情事嘅手法,今朝仲頻頻發功放閃!

    佢先喺09:09於微博晒出同女友Phoebe嘅影婚照花絮,仲留言:「是她」,似乎意寓「長長久久」啵!之後,佢仲晒埋自己嘅單人側面低頭照,兼情深款款配上「May I?」字句 ​​​​,認真Sweet爆!

    而睇番佢個IG,佢亦有上載同Phoebe手拖手、互相對望嘅婚照,並留言:「也是唯一的」,給予女友一個肯定地位。

    唔少網友見狀都有恭賀佢哋,仲紛紛留言:「早就知道你的女孩柔柔」、「郎才女貌,俊男美女,祝福」、「陳太好靚女!身材又好笑容又甜。」

    (on.cc東網)

    SHARE