【傳胡定欣將離開TVB】姚子羚:都好尊重公司安排

    藝人姚子羚透露將與李施嬅去東非睇動物大遷徙一事,下星期便起程,一共去12日:「打晒針,施嬅今次仲安排咗去大象拯救中心,希望都捐啲錢,拍少少嘢返嚟幫佢哋。」

    昨晚子羚又盛裝出席晚宴。受訪時提到好姊妹胡定欣傳離巢而推《曼谷唐人街》演出。

    她指冇聽過消息,又堅信對方不會推劇:「都好尊重公司安排,首先我唔知佢有冇份演出。(佢講過唔適合,如果唔係唔續約,會有咩原因唔接?)應該係想休息,因為我哋拍《包青天再起風雲》半年,返到嚟佢又開舞台劇同電影,時間都好密,到我哋呢個年紀都想做番啲自己想做嘅事。」

    又指私下冇仔細同定欣傾過,原本都想叫埋一齊去東非旅行,不過時間唔啱。問到可知定欣幾時完約,以及對方是否想出外發展?子羚表現得有點兒隱晦:「無論佢去到邊個領域都應該有好好 嘅發展,當然我希望我嘅姊妹唔會去第二度發展,陪吓我,其實我哋陸陸續續都有幾個姊妹洽談中我相信,等佢自己再同大家講。」

     

     

     

    (on.cc)

    SHARE