藝人黃建東（Derek）一向都好大頭蝦，繼之前搭車跌咗信用卡，呢日佢再有烏龍嘢發生！
佢喺社交網發文指有公司同事結婚請佢去飲，佢本來預啱時間諗住一去到就開席，點知去到見場地仲未Set好……
佢留言：「我較啱時間好老定咁臨開席前行上去中環大會堂二樓諗住一坐低就開波，發覺個場竟然仲未Set好，原來…佢喺沙田大會堂擺。」
佢續指自己兩邊走搞到身水身汗，仲隔空向新郎哥道歉。
最後搞到遲大到，認真瘀爆，事後他分享瘀事到社交平台，並說：「原來沙田大會堂既美心，係唔等於中環大會堂美心！」
有去飲這餐喜酒的王宗堯，就取笑他去錯地方，並將印有地點名的請帖話：「沙田隻字都好大吓！」搞到建東相當瘀皮。
當晚是TVB幕後同事在沙田大會堂結婚擺酒大日子，一對新人應該唔會嬲嘅！
(on.cc)
