【兩夫妻真係唔容易】捕獲劉愷威Cool爆…

    鄭嘉穎同陳凱琳明日喺峇里結婚,唔少傳媒都希望等到一對準新人,估唔到今早機場好熱鬧。8時左右,劉愷威現身機場,自己手推行李,戴cap帽全黑裝離開香港。

    劉愷威一支箭咁衝入閘,冇停低影相。

    愷威面對鏡頭有啲迴避,問佢去邊?佢只係話:「去做嘢。」

    返年愷威主力返大陸工作,此行亦未見囡囡小糯米同太太楊冪同行,兩夫妻真係各有各忙,未知小朋友暑期其間有冇機會一家三口去旅行呢?!去年劉愷威同楊冪難得合體,一齊陪囡囡參與陸運會。

    劉愷威同楊幂各有各忙,又分隔兩地生活,要維繫夫妻感情真係唔容易。

    近9點,關之琳同Moiselle太子爺陳柏熹一齊出現,二人見記者拍照亦有禮打招呼,關之琳仲反問記者:「點解咁早?」問佢哋去邊?關之琳話:「我哋去上海工幹。」

    之後二人由禮遇通道入內,關之琳禮貌向記者揮手說再見。

    (蘋果日報)

    SHARE