今日孖男友現身機場，但二人卻相隔兩個身位前後腳行入登機閘，入閘前問到戴住黑色口罩嘅佢去邊度玩？她即望住鏡頭冧笑兼揮手「回應」，心情靚爆！
藝人陳庭欣（Toby）近日「首次」高調放閃，大晒與擁逾億身家老闆級男友楊振源（Benny）行山相，她今日孖男友現身機場，但二人卻相隔兩個身位前後腳行入登機閘。
入閘前問到戴住黑色口罩的Toby去邊度玩？她即望住鏡頭冧笑兼揮手「回應」，心情靚爆！
另外，藝人陸永一家四口今晨大約10時半現身機場，辦理登機手續，期間有名外國遊客一度以為他是著名音樂人，故上前要求交換wechat兼合照，令他不知所措，其後向記者抵死笑話：「我同佢講我唔係著名音樂人，佢仲以為我係周杰倫呀！（咁你去邊到玩呀？）去台北咋，玩一個星期。（唔係去飲鄭嘉穎同陳凱琳嗰餐咩？）唔係呀！乜有得飲咩？有得飲都唔請我？但我真係唔係去飲，係去台灣玩。」
說畢便拖住大女Hannah步入登機閘。
(on.cc東網)
