【謝安琪問佢…】囡囡張靖突然喊得好悽涼

    張繼聰經常喺社交網晒家庭樂,尤其佢一對活寶貝嘅一舉一動,幾乎日日都有update。今日張繼聰又上載咗一段囡囡張靖嘅片,唔知係咪襯暑假,去咗迪士尼樂園嘅餐廳,轉眼間張靖已經1歲4個月大了,自己行得好穩陣添!

    今年3月佢哋一家人,去咗迪士尼樂園玩。(ig圖片)
    當時1歲生日嘅張靖,順便喺迪士尼慶祝。(ig圖片)

    片中頭戴紅色蝴蝶結嘅張靖,喺迪士尼樂園餐廳內,見到人扮嘅米奇老鼠,走埋去同米奇影相,影完之後張靖一步一步咁慢慢行番去大人度。

    初初被米奇老鼠抱住嘅張靖,好淡定。(ig圖片)

     

    片中聽到一把女聲,應該係媽咪謝安琪,教囡囡同米奇講拜拜,張靖走番埋去同米奇give me five,仲好乖咁揮手同米奇講拜拜。

    之後佢仲同米奇擊掌。(ig圖片)

    但估唔到呢句拜拜之後,人仔細細嘅張靖會咁唔捨得,當米奇抱一抱佢……

    囡囡對米奇老鼠情有獨中,番轉頭攬到實。(ig圖片)

     

    張靖直頭啟動咗喊制,放大聲線喊得好悽涼咁,要米奇抱住佢掃住背安慰,媽咪謝安琪問囡囡︰點解咁慘呀!

    點知囡囡唔捨得到爆喊。(ig圖片)

    段片就唔見爸爸張繼聰,但佢貼咗上ig後,留言話︰「唔捨得米奇, 好可愛, 同時好羨慕,都未試過唔捨得我到要喊!」睇嚟daddy張繼聰好葡萄喎!

     

    (apple daily)

    SHARE