熊黛林(Lynn)自從今年4月為坐擁百億資產嘅老公郭可頌，誕下一對孖女後，就專心湊女，間唔中就會喺社交網更新下狀況，好似之前佢就晒同老公去跑步Keep fit嘅相。
今日索媽Lynn又放閃喇，佢喺微博同ig就貼咗3張相，見到阿Lynn拎住BB隻腳腳留言話：「多功能小豬脚，可供食用、按摩、挖鼻孔！」
冇錯，索媽Lynn真係忘我咁，用咗B女隻腳腳扮「撩」鼻屎超搞笑，咁都畀佢諗到真係掂！
有網民見到B女腳仔都已經大讚好可愛，亦有網民亦話：「你鼻孔邊有咁大呀？」、「哈哈哈小脚丫真萌，初為人母，滿臉的幸福」，而今次阿Lynn都係冇講到呢隻「豬腳仔」，究竟係大孖定細孖嘅，網民不妨估估，但估中冇獎。
(蘋果日報)
