【媒爆翻撻成功】唐詩詠:行緊去

    36歲嘅唐詩詠最近有新劇播出,唔知係宣傳定堅料,今日有雜誌爆出佢同分手唔夠一年嘅洪永城又復合。

    有指洪永城一直都好想追番詩詠,洪永城早前夾咗份小股入曾志偉開設嘅西餐廳「老爺廚房」,志偉同一班餐廳股東經常借頭借路約埋詩詠落餐廳相聚,咁就可以造就機會畀洪永城同詩詠多啲相聚。報道指洪永城已成功「螺」掂女方,兩人已翻撻兩個月。

    詩詠噚日出席新劇《棟仁的時光》宣傳時神采飛揚,被問現在感情有冇現曙光?佢笑笑話:「好遠呀應該,行緊去。但我覺得作為一個女性,除咗愛情可以畀到開心你,最重要諗吓乜嘢會令自己開心。我覺得只要搞得掂自己思想,搵到自己人生方向,同一時間可以帶動到另半一齊向前行,呢樣係我學到嘅嘢。」

    最近詩詠迷上做運動,而且仲開始見到成效,咁啱洪永城又開始積極玩健身,仲搵埋教練操肌,佢哋嘅步伐似乎好一致。詩詠今日喺ig留言﹕「只要有信心,你的未來就會光明。」

    詩詠今日回覆傳媒時就話﹕「笑料一則。」

    (蘋果日報)

    SHARE