恭喜哂！譚玉瑛、蓋世寶等等都有現身到賀！譚玉瑛姐姐話晒係前輩，所以每張大合照都被安排企正中間位。陪伴小朋友10年嘅無綫兒童節目《放學ICU》喺2015年曲終人散，有指余詠珊要大換血，最後由《Think Big天地》取代。
《放學ICU》最後一班主持人譚玉瑛、蓋世寶、鄧永健、司徒瑞祈、何沛霖等噚晚又有機會再次相聚，因為吳綺珊(Athena)出嫁喇！
鄧永健同司徒瑞祈噚日分別喺IG貼咗婚宴現場嘅相片，吳綺珊嘅老公都生得好高大，而吳綺珊就穿上多套不同款式婚紗及晚裝，其中一條紅色晚裝裙配上大大連金豬頸鏈及多對龍鳳鈪，非常搶鏡。
而譚玉瑛姐姐話晒係前輩，所以每張大合照都被安排企正中間位。
何沛霖留言﹕「恭喜Athena姐姐！甜甜蜜蜜，一生一世！」
而Athena喺三日前就已經開始倒數，心情真係好緊張。
(蘋果日報)
