喺2011年參加香港先生選舉入行，多年來佢喺TVB默默工作，直至去年憑惡搞洗腦歌《PPAP》在網絡爆紅，成為新一代扮嘢王，之後仲有機會在big big channel播映的網絡劇《降魔的番外篇》中一嚐做男主角嘅滋味，之不過工作同精神壓力大，令佢用食來發洩更懷疑上患暴食症，拍《果欄中的江湖大嫂》時，體重已超過二百磅，幸而佢最後決心減肥，冇畀自己暴肥下去⋯
黃建東（Derek）在美國紐約州立大學佛東尼亞分校完成戲劇系學位，並以高級榮譽畢業，在當地電台工作了兩年，便返港加入話劇團，3年後，演戲興趣有增無減，遂以參選港男作為加入電視圈的踏腳石，喺2011年參加香港先生，雖然佢未入三甲，但就贏得「最具演藝潛能大獎」，當晚港男於鐵管上擺出唔同pose，當時的阿東滿身健碩肌肉，大晒麒麟臂在鐵管上做出高難度動作！
黃建東和楊潮凱於TVB big big channel網劇《降魔的番外篇-首部曲》中首次擔正，其中有一幕二人穿上肉色「尿片褲」扮全裸戲份，拍攝前三個月兩人聲言要操弗， 點知阿東竟然有成180磅，肥咗成個碼，連監製都忍唔住講咗四次「黃建東真係好肥」，劇照中佢同楊潮凱一拍埋就顯得更加身形龐大。
雖然被人嘲肥，但阿東似乎體重不跌反升，而佢喺熱播無綫劇《果欄中的江湖大嫂》中，演果欄搬運工人的阿東，體重超過二百磅，相比參加港男時，足足重了五十多磅，阿東話最初都會搵件衫遮掩肥肉，但始終做搬運工人冇理由著太多衫，所以後來索性把衣服脫掉。
疑患上暴食症
原來阿東因為精神壓力大，而控制唔到自己吃過不停，他更懷疑自己患上暴食症。近日《果欄中的江湖大嫂》播出，阿東在IG留言話唔想見到劇集中嘅自己：「其實…每次當#果欄中的江湖大嫂#播放時，我都好想轉台或者遮住個電視…..當我見到自己唔着衫嘅時候。平時拍劇我都會post下劇照宣傳下(吓)，但係有冇發現我好少post果欄啲相？因為，我自己都唔知點面對呢個自己，我都頂自己唔順。」他坦言個個朋友見到他在劇集中的造型都表示嚇親，他對此感到不好意思，更直言自己也嚇親，最後他反問：「究竟我呢個惡夢幾時可以過去？？」
長此下去唔係辦法，阿東決定的起心肝減肥，近日佢頻頻約好友楊明跑步同做Gym！阿東，加油啊！
