台灣女星范瑋琪（范范）今日42歲生日，相信佢最好嘅生日禮物一定係一對孖仔飛飛同翔翔可以健康快樂咁成長！
呢日范范喺社交網上載飛飛同翔翔嘅最新影片，見到佢兩兄弟當屋企係遊樂場咁，不停喺三張木制小圓枱上面Jump Jump Jump，而范范就用英文做聲音導航，幫仔仔數1、2、3跳，飛飛同翔翔就跟住媽咪個指令由一張圓枱跳到另一張圓枱，期間范范又提醒一對寶貝仔要小心，飛飛最後仲做埋前空翻，再爬上梳化跳落地，范范見佢哋成功「着陸」，都有笑住咁讚揚佢哋，仲叫佢哋攰就休息一下，范范呢個行為獲網民大讚，話佢做得好好，因為小朋友精力無限，喺安全情況下應該畀佢哋跳跳紮放電！
另一條短片就見到兩兄弟終於肯停落嚟，因為佢哋要專心玩小火車，片段中見到原本畀佢哋用嚟做「跳躍訓練」嘅木制小圓枱已經化身做路軌，飛飛同翔翔嘅玩具火車就喺上面行走，網民都讚呢張枱真係好多用途，又話范范屋企嘅家具都係為小朋友而設，成個遊樂場咁，仲忍唔住問范范喺邊度買，當然亦有海量網民留言祝范范生日快樂啦！
網民有話兒：
tiaxxcici：翔翔好像彈跳很好耶！！！
esthxxxx00：把家裏佈（布）置成這樣 整個家都是我的遊樂場
isabexxx_729：范范，請問那桌子哪裏買的呢？好好用哦
grace.txxxg.184：看到他們單純自然的跳，很快樂很開心
f03xxx309：生日快樂，寶貝們好開心
就係呢兩張木制小圓枱喇！
飛飛仲做埋前空翻！
飛飛
范范一對孖仔瘋狂喺上面跳！
轉個頭，兩兄弟變咗玩火車！
翔翔
玩到勁high！
圍住張枱轉真係好得喎！
今日仲係范范42歲生日，網民都祝佢生日快樂！（資料圖片）
(東方日報)
