甜嘢係唔開心時最好嘅恩物，喺失戀時食佢心情都好番啲！好似藝人姚子羚（Elaine）咁，日前正式宣布同拍拖3年嘅男友鄭子邦分手，回復單身嘅佢不愁寂寞，因為有班好閨密「胡說八道會」喺身邊！
成員之一嘅李施嬅就喺Instagram上載同子羚及黃智雯合照，原來失戀嘅子羚約咗兩位姊妹去食糖水療情傷，三人都戴上Cap帽同着上深色衫，仲要齊齊素顏添，真係襯到絕呀！
相中嘅子羚托住個頭微笑，有姊妹安慰同有甜品食，心情似乎唔錯！網民都留言叫子羚加油，仲大讚佢哋素顏都咁靚呀！
(on.cc東網)
【素顏都咁靚！】姚子羚有好姊妹陪冇有怕
