到底一對姊妹或者兄弟要幾似樣先會被人認錯呢？好似剛宣布懷有第二胎的孫燕姿，今日下午在微博上載一張與妹妹的照片，仲留言話，「跟妹妹去吃午餐。服務員問說：『哪一個是孫燕姿？』妹妹剛好走到一旁講電話，我指她。」燕姿的搞笑留言在短短20分鐘，已經有4萬人like。但最抵死嘅一定係有網友突破盲點，話妹妹唔似家姊，而係似林宥嘉多啲，呢個比喻更加震撼！
燕姿今日在微博上表示，她引導餐廳侍應認錯妹妹就係自己。
大家覺得似燕姿定林宥嘉？
孫燕姿一家有三姊妹，妹妹就叫孫燕美，今年33歲於新加坡國立大學醫學碩士畢業，現任職外科醫生。其實燕姿一家在讀書方面都好勁，爸爸是南洋理工大學電機系的教授，大家姊孫燕嘉曾經是新加坡投資銀行的副總裁。相比之下，燕姿在南洋理工大學行銷學系畢業，網友笑言她是全家最低學歷的人。但孫燕姿在樂壇方面係人都知係天后，我認為網友根本唔應該咁樣講燕姿。
燕姿同媽咪最似樣！
據知，妹妹同家姊因為太過似樣，就連周杰倫、鄭秀文都曾將妹妹誤認為孫燕姿。其實我覺得燕姿同媽咪最似樣，唔講以為佢玩緊手機上嘅變老apps，因為她們簡直是倒模一樣！
(HK01)
