歌手李克勤一向熱愛運動，除咗熱衷踢足球，閒時都會相約朋友打羽毛球，之前已經同過唔少世界級名將切磋球技，呢日佢仲同前中國羽毛球女將唐淵渟進行世界級球賽！
克勤梗係唔會放過集郵機會，同唐淵渟合照後喺微博晒「戰績」，不過網民就放錯重點，留意到李太盧淑儀都有落場打波，佢仲着上貼身運動背心加短褲，雖然一面素顏但係非常省鏡！
網友都留言大讚45歲嘅李太Keep得好好，又勁Fit：「李太身材真的太棒了！」同當年（1992年）選港姐時嘅狀態真係有得揮呀！
而克勤就話下次要約唐淵渟唱K，留言話：「李克勤世界巡迴羽毛球不公開賽悉尼站，謝謝阿Joe熱情安排，跟世界冠軍打球#唐淵渟真人好可愛#下次來香港我同你唱K#」
唔少網民都好期待佢哋再次一決高下，嚟一場世界級歌唱比賽，仲叫李克勤到時記得要直播賽事。
(on.cc東網)
