黃百鳴喺荃灣經營嘅戲院今日正式開幕，呢間戲院以兒童為主題，開幕兼首映電影就係佢有份配音嘅動畫《狗仔有喜事》，出席嘅嘉賓有陳靜（DaDa）、薛世恒、莊思敏等。
黃百鳴接受訪問時話今次係配狗仔角色，張繼聰做主角，佢話：「因為今年係狗年，所以揀咗部狗仔片。」佢話今年唔做《家有喜事》系列電影，係因為唔想年年拍，下部預計要到2020年先有。講到下部電影，計劃會係《葉問4》，講到宇宙最強甄子丹片酬。
黃百鳴新戲院開幕，戲院主題係兒童，首映都係兒童動畫。
佢仲自爆，好快又做老爺。
DADA
莊思敏
佢話：「甄子丹一億都唔肯，要過億。唔係我畀佢，係個市場畀佢。如果拍第二啲戲，呢個價就未必值，但拍《葉問》就係超值，不過仲要分紅畀佢。講貴，更係宇宙最強貴過周星馳。」黃百鳴話已經畀咗訂金甄子丹，笑言唔會攞苦嚟拍同葉問對打嘅戲。佢又自爆新抱再度懷孕，好快又做爺爺。
(蘋果日報)
