藝人羅敏莊一向喜歡泰國的生活，去年更用三百萬於泰國置業，有指由於羅敏莊對當地房地產有興趣，故決定做KOL，主動向買賣泰國樓的地產公司自薦拍推介片，結果反應熱烈，雙方決定將合作「升級」搞埋睇樓團，地產公司更口頭承諾會計番佣金畀羅敏莊。結果，羅敏莊去年年尾帶了兩個睇樓團，但至今仍未收過佣金。
東網就此事聯絡羅敏莊，問她可會打算追番佣金？她豁達地表示：「追乜鬼？係我自己舂個頭埋去，自作多情……我已經冇再同呢間中介合作，新一年會同一間大旅行社搞大一啲嘅睇樓團，展望未來！」
經一事長一智，今次與旅行社合作，問到羅敏莊會否傾好條件、立好合約才開工？她笑謂：「佢哋好好，好有誠意同我傾，大家仲傾緊細節，大公司一定有規有矩會有合約嘅。」
(on.cc東網)
