無綫處境劇《愛．回家之開心速遞》入面有幾對情侶都大受歡迎，當中「池子孝」阮政峰以及「熊心如」蘇韻姿喺IG跳出一段「愛的手勢舞」 立即成為熱話，更令二人緋聞升溫！
跟住二人再向「金城安」周嘉洛同「Bonnie」林凱恩挑機，再伸延到馬貫東同謝芷倫。
今日終嚟到第四擊！「大小姐」林淑敏同「送水輝」許家傑就接棒跳出「愛的手勢舞」，當然二人都不負眾望，施展渾身解數跳出水準，林淑敏仲留言話：「2018我希望會同送先生。。。許家傑！」
跳完舞後，林淑敏仲挑機Tag埋「KC」歐瑞偉同「Terry」李偉健接棒，好多網友都大叫期待呀！
(on.cc東網)
