【杏兒坐月未能出席】「豹嫂」胡蓓蔚46歲生日 同子羚錫錫慶祝

    今個月係胡杏兒38歲生日,坐緊月嘅佢就獲「胡說八道會」成員胡定欣、李施嬅、胡蓓蔚、姚子羚及黃智雯上門為佢慶生,佢哋仲着晒睡衣素顏示人,玩得勁開心!

    相隔咗6日,今日就到「豹嫂」胡蓓蔚46歲生日喇!

    噚晚佢哋又再聚首,不過就唔見要湊仔嘅杏兒,而同佢哋非常老友嘅楊秀惠同埋胡蓓蔚老公單立文就有在場!

    姚子羚喺Instagram上載合照,仲搞笑叫壽星女做「老豹」添:「老豹Happy Birthday🎂🎉😘💋We all Love u~ 祝妳Keep住咁靚、繼續型爆~同豹哥過一個巧浪漫嘅生日之旅!一個去三個返⋯😜😜我話一個喼去三個喼返滿載而歸」

    正所謂「好事唔好畀佢停」,除咗雙「胡」輪住生日,子羚都係11月之星呀!豹嫂好有心安排埋蛋糕預祝子羚生日,眾人齊齊為佢哋唱生日歌,兩人仲即興咀嘴,非常Sweet,網民都留言祝佢哋生日快樂呀!

    (on.cc 東網)

    SHARE