「唔知當知而先知 明知不知傻痴痴」，大家一睇歌詞係咪識唱呢？冇錯！佢就係12年前無綫劇《秀才遇著兵》主題曲喇！
點解突然講起呢套劇？咪就係劇中主角陳豪、周麗淇及黎耀祥重聚囉！
日前無綫舉行節目巡禮，場面星光熠熠，好多藝員朋友因此有機會聚首一堂，而呢三位都唔例外！
陳豪就喺微博上載三人合照，不禁感嘆時間飛逝。「難得再遇，黎耀祥，周麗淇，我們這組合，不期然又想起曾經一起合拍的電視劇《秀才遇著兵》…等等…已經是12年前了…oh my god!!」
網民都大嗌回憶返晒嚟，又讚首歌真係好好聽，仲話佢哋都Keep得好好冇咩點變呀！
（on.cc東網）
