日前係林熙蕾生日。身為好友嘅舒淇當然唔會唔記得，喺社交網站上載同林熙蕾以及一對囡囡嘅大合照。
「麻麻 生日快樂 祝福妳健康平安喜樂 LoVe U forever」並有三個香吻emoji！
講到邊個係千禧經典性感女神，林熙蕾當然榜上有名！當年出寫真集風靡中港台，仲要係高學歷女神，當年喺美國讀大學攻讀文學同經濟，雙學士畢業！
講吸睛經典作，同張家輝嘅《千王之王2000》中一幕黑bra誘惑外，喺《烈火戰車2極速傳說》陪鄭伊健一齊砌車但慘爆撞車死，以及同郭富城合演《父子》嘅一幕激情戲等！之後更憑《父子》角逐「最佳女配角」。
直至2011年同商人楊晨結婚，開始淡出影壇嘅佢仲生咗一對可愛嘅囡囡！
(on.cc 東網)
