陳國峰（Penny）去年同太太黃思雅拉埋天窗，上個月佢仲榮升人父添！
雖然Penny係新手爸爸，不過佢照顧囝囝都有一套心得㗎！
呢日佢就喺社交網上載咗一段抱住「峰之子」嘅片，並留言：「想佢唔喊，你就要喊得勁過佢！不過都係餵奶最實際。」
影片一開始就見到「峰之子」起勢咁喊，Penny見囝囝喊唔停亦都相當無奈。點知「峰之子」喊多兩喊之後，Penny就同囝囝喊埋一份，實行要喊得大聲過佢！
人仔細細嘅「峰之子」見到爸爸喊之後，竟然冇再喊之餘，仲眼定定咁望住爸爸，認真搞笑！
唔少網民都話Penny呢一招另類止喊法認真使得，亦有人問Penny仲有冇其他絕招。
（on.cc 東網）
