藝人鍾嘉欣近日於溫哥華返到香港，回來兩天便接受好友馬浚偉主持的電台訪問。
嘉欣是馬浚偉於圈中廣為人知的契妹，二人於訪問中滔滔不絕，更大談嘉欣19歲選美時個性羞澀，因陳慧琳提攜才成為大熱，她說：「我第一次開音樂會邀請到陳慧琳（Kelly）做嘉賓，我真係好開心，開心到喊。因為佢當時係我選美嘅評判，係佢畀我信心，因為我當時係唔被睇好，冇人話我會贏，因為我靜到不得了，見到記者我會走，唔想影到我。到見評判嗰日，即係比賽嘅前一日，陳慧琳對記者話：『我鍾意12號鍾嘉欣，嚟自溫哥華，因為佢笑容甜美。』由嗰一刻、一日內，我由乜新聞都冇，突然變成大熱，就係因為陳慧琳嘅睇好。」
陳慧琳成為鍾嘉欣演藝生涯中的伯樂，影響力絕對不少。被馬浚偉問到她有沒有在音樂會中重提此事，嘉欣謂竟然是陳慧琳先提起：「佢對我講：『你睇唔到啫，我哋個個都睇到你係掂㗎！』之後我真係超開心：『吓，真喺㗎？多謝！』因為我真係好欣賞佢，覺得佢真係個好人！」
雖然很喜歡陳慧琳，但嘉欣重申女兒命名Kelly卻與陳慧琳無關。
她說：「當時我喺懷孕時，同老公瞓覺時喺度諗改咩名，突然間就諗到『Kelly』，因為classic（經典）。依家好多父母會改好特別嘅名，有三、四個音節。所以我就想女兒有個classic啲嘅名，仲有我想佢唔好太女仔嘅感覺，而『Kelly』嘅感覺正正比較爽朗、硬淨，但又不失女性感覺。」
(on.cc東網)
