【網民睇到喊】胡杏兒:一日胡說八道,一世胡說八道

    近日熱播嘅無綫節目《胡說八道真情假期》集集都充滿愛同歡樂,不過話咁快就已經播完喇!一班「胡說八道會」嘅姊妹胡定欣、胡蓓蔚、胡杏兒、姚子羚、黃智雯和李施嬅,都紛紛喺IG晒合照留言嗌唔捨得,佢哋仲好有心思咁整咗條回憶錄嘅片。

    而胡杏兒就留言話:「一日胡說八道,一世胡說八道!!」

    呢啲好姊妹真係去邊度搵呀,羨慕死人咩,唔怪得網友都話睇到喊喇!

    除此之外,佢哋話要多謝一班幕後工作人員嘅照顧、包容同安排,胡定欣仲話呢次旅程所有畫面都係同行每一位同事送畀佢哋㗎:「講得好,一日胡說八道,一世胡說八道…(我又想喊啦)…HOLD住!!首先,呢次旅程所有畫面,都係今次同行每位同事送俾(畀)我地(哋)。多謝你地(哋)的照顧同信任。呢次旅程好開心好難忘,每一集我都係笑住睇,好多回憶!!多謝每位喜歡呢個節目的朋友,希望好快有《胡說八道又去旅行》!至於我班姊妹…I LOVE U」

    相信唔止佢哋一班姊妹想快啲可機會一齊再去旅行,一班觀眾都好想睇㗎!

    (on.cc東網)

    SHARE