日前宣布佗B仔的胡杏兒，噚晚在instagram曬火辣三點式照片。
相中杏兒戴上黑超﹑身穿火紅色比堅尼，望住個海擺甫士影靚相。
雖然準媽咪杏兒個肚籮咁大，不過她手腳纖幼，而且面蛋尖尖，上圍當然升Cup，名副其實「肥胎不肥人」。
杏兒留言表示《胡說八道真情假期》今晚播最後1集，而這張性感泳照，由好姊妹胡定欣操刀拍攝。
「今晚最後一集啦，就發一張激動少少的照片吧。胡定欣真係有喺澳洲幫我拍大肚泳衣照，其實佢哋自己個個都有影，但就浄係叫我post，你哋話我啲姊妹係咪坤我呢個大肚婆呢？ PS：唔好意思，有少少肥！」
(明報即時娛樂)
