2017年國際小姐澳門代表麥嘉欣（Sofia Paiva）好靚女，噚日靚相瘋狂洗版，啲網民仲話麥嘉欣靚過今屆出爐港姐雷莊𠒇！
「叫親嘉欣，都係靚女！」咁啱呢位國際小姐又係叫嘉欣！喺娛樂圈真係有好多靚女都叫「嘉欣」㗎～
1.李嘉欣
李嘉欣係1988年港姐冠軍，佢仲有大美人之稱添，佢同麥嘉欣一樣，都係中葡混血兒嚟！
2.鍾嘉欣
鍾嘉欣係2004年度華姐冠軍，之後入咗TVB拍劇，成為當家花旦之一！同埋佢形象入屋，深受觀眾喜愛！
3.龔嘉欣
龔嘉欣都係靚女一名，佢入咗無綫之後拍過唔少劇，去到2016年，龔嘉欣憑劇集《幕後玩家》「程思汝」一角，喺《2016年萬千星輝頒獎典禮》拎到「最佳女配角」。
4.林嘉欣
林嘉欣喺香港電影金像獎同埋金馬獎都拎過唔少獎，唔止靚女，仲好演得！
