【中葡混血兒】澳門小姐Sofia Paiva靚相狂洗版

    今屆香港小姐出爐冠軍雷莊𠒇,俾人鬧到體無完膚。

    之後,雷莊𠒇更喺IG開live同網民開火,寸網民唔夠聰明。

    烈火遇上滾油,可想而知網民嘅反應會係點。

    今屆港姐三甲認受性成疑,有網民就搵咗2017年國際小姐澳門代表嘅麥嘉欣(Sofia Paiva)做對比,一比之下,真係高下立見。

    今年20歲嘅Sofia,係一位土生土長嘅中葡混血兒,除咗有一般歐洲人深輪廓嘅五官之外,亦有東方人擁有嘅甜美氣質。

    Sofia現時喺澳門聖若瑟大學讀緊心理學系,佢話希望日後能夠成為一位成功嘅心理學家。Sofia將會喺11月代表澳門到東京參與國際小姐競選。

    Sofia日前就話報名參加面試係希望挑戰一下自己嘅膽量,因為自己係屬文靜型,希望今次參選,可以向國際宣傳澳門,展示澳門獨有嘅中葡文化。

    以往大台都會派港姐三甲參加國際選美賽事,但自2015年開始,再冇派獲獎佳麗參加國際小姐同世界小姐,早喺11年,連環球小姐都冇派代表參加,反而機構「澳門選美聯盟」就喺2015年開始,會喺香港同澳門舉行甄選,分別選出香港同澳門嘅代表參加國際小姐選舉,而Sofia就係今屆嘅澳門代表喇!

    至於Sofia原來一早封盤啦!男友係澳門藝人沈柏彤(Kelvin)。

    (Apple Daily)

     

     

    SHARE