問到Lisa係咪父母批准咗，佢竟然話。。。
藝人莊思明（Lisa）、莊思敏（Jacquelin）及袁文傑等，到將軍澳出席無綫節目《最緊要好玩》慰勞宴。
Lisa回應被指與男友楊明睇屋，她說：「行吓啫，嗰日咁啱有時間就去望一望。（話你築愛巢？）我唔會刻意搵個名，只係平時工作忙，想多啲時間見面。（關係穩定到可以同居？）我都咁大個人啦，都係時候加快腳步。（先同居，後結婚？）搵一個適合嘅地方，如果大家OK，有時間剩嘅話一齊住囉！（父母批准咗？）佢哋唔知㗎，依家咪知囉，我媽未問我，我爹哋就唔識睇中文嘅！親戚就send短訊問我係咪結婚都唔講？點會呀！如果結婚，我唔會唔講，因為呃唔到人嘅！」
Lisa被問到未知會莊媽媽就計劃同居，怕不怕被反對？她說：「我媽咪又唔喺香港。（山高皇帝遠？）你可以咁講。（依家已經係半同居？）同好多情侶一樣，一個禮拜會有一日、兩日喺一齊，爭取多啲時間見面。」
(on.cc東網)
