「大美人」李嘉欣（Michele）與姐姐李嘉明感情深厚，兩姊妹不時相約見面，日前適逢係李嘉明嘅牛一，Michele即約埋好姊妹盧淑儀及邱李茂琪，齊齊為姐姐慶生，相當識做！
Michele喺社交網分享慶生照，相中所見佢哋個個都悉心打扮，着到靚一靚現身，其中Michele以露肩裝上陣晒鎖骨，十分養眼。
佢哋仲高舉香檳，又準備咗大蛋糕為壽星女慶祝，睇嚟玩得好盡興喎！
另外，盧淑儀亦有喺網上晒合照，見佢哋仲拉埋靚仔外籍大廚影相添，莫非唔怕老公「嬲嬲豬」？
(on.cc東網)
【唔怕老公嬲豬？】李嘉欣孖好姊妹齊賀家姐生日！
