【某視帝榮升「TVB鏡頭前高質鏡頭後麻甩男藝員」首位 被爆:感覺似街坊,唔講真係唔知佢係做幕前】

熱播綜藝遊戲節目《思家大戰》上周日推出的「思家觀眾大戰」TVB台前幕後民調問答遊戲,題目為「講一個鏡頭前幾高質,鏡頭後勁麻甩嘅TVB男藝員」,吸引不少網民熱烈討論!

 

 

 

近日官方網站終於揭曉終極答案,是次榮登榜首的男藝員為馬國明,其餘依次為馬德鐘、黎諾懿、鄭嘉穎、何廣沛及林盛斌(Bob)!

冠軍得主由視帝馬國明眾望所歸,其實早於答案揭曉前,已有大批網民路過投馬國明一票,結果可謂民意所指,可信性甚高!

 

據幕後工作人員透露,馬國明之所以榮登榜首,全因其率性隨意性格:「佢私底下一啲都唔貪靚,有時著件白背心就返工。份人又冇架子喎,成日喺大canteen見到佢自己一個食飯,感覺好似街坊咁,唔講真係唔知佢係做幕前嘅。」

 

同樣上榜的黎諾懿,則為好友馬國明澄清:「其實馬明一啲都唔麻甩喎,馬明係鍾意踢波咋嘛。馬明喺鏡頭後其實好斯文同好怕醜,尤其一多人或者有女仔喺度。」又談到自己上榜原因,諾懿大方回應:「可能我私底下嘅用詞偶爾會有鄉下話(粗口),所以麻甩。」

 

至於一向賣搞笑的Bob,其上榜宣言則「麻甩不足,搞笑有餘」:「對於有人覺得我喺鏡頭前係高質,我係表示震驚但係歡迎嘅;我真人麻甩到咁都竟然攞唔到第一名,我係表示極度失望同遺憾嘅!」

 

「記恨」的Bob更笑言對於上次「大胃王」一役輸給陳嘉佳(細細粒)已相當唔忿氣:「嗰次攞唔到第一名,我已經好唔開心㗎喇。」

 

 

(綜合報道 )

 

 

 

SHARE