【一波又一波】肥媽搭飛機遇故障嚇到爆喊:老公部呼吸機喺上面

    肥媽(Maria Cordero)昨日由英國飛馬來西亞,起飛不久遇飛機故障,機長透露引擎撞到雀仔,只可用一個引擎降落,肥媽嚇到「個心都離一離」,最後幸好安全降落。
    肥媽在機上拍片大談當下感受,還留言:「飛機故障要原機折返,嗰一下真係好擔心好緊張,好驚心動魄的一程機,以為可以順利飛到,結果飛咗一個鐘都有故障。第一次遇上咁的意外,真係好驚好緊張,好彩老公喺我身邊,感恩最後都順利可以返倫敦,平安到步。」
    肥媽表示心情依然未能平復:「依家都仲驚緊,當知道飛機有事心諗好多好多嘢,好驚返唔到嚟。」
    之後,肥媽成功抵達馬來西亞時,又有突發事情發生!
    突然爆喊表示:「今次旅程驚喜一浪接一浪,係驚多過喜,知道大家的擔心,剛剛到了KL,同大家報個平安,呢次的旅程簡直驚喜一浪接一浪,係驚多過喜,頭先可能我同老公唔夠瞓,一落機匆忙得濟,漏咗老公的呼吸機同藥,全部漏低喺飛機上面,我太大意了….. 我太唔小心了……年紀大,真係唔嚇得,未必所有人會知,因為老公的病關係,肺同呼吸其實唔係咁好,所以呼吸機同藥有起事上嚟係要嚟救命,所以依家活多一日其實都賺咗,感恩同幸運地,好多謝… 好多謝…好多謝!」
    又多謝KL機埸同機組人員幫助,好快就成功找回老公的藥:「可能全靠大家的集氣同祝福先會咁順利,只差一程機就順利返到屋企,希望一切順利,要大家擔心了。」
    (綜合報導)
    SHARE