【曾買過百枝驗孕棒】雨僑懷孕出現妊娠不適 羅力威為太太學煮飯

    結婚已經兩年的雨僑早前終於宣佈與老公羅力威造人成功,現懷胎3個月,她今天接受了商台的訪問,分享懷孕的喜悅。

    預產期於8月的雨僑,笑謂跟老公已有心理準備,皆因這全是他們的計劃之內,雨僑更早已開始調理身體,她說:「我哋都好想有小朋友,做藝人10年、8年,對女仔嚟講身體係會有少少嘅影響,喺結婚早年都未有咁緊張,只係好間中睇中醫、唔飲凍飲,年紀越大就越緊張,加上搵到個好好嘅中醫,每星期會去做艾灸,仲要鋪晒成身都係薑,自己亦都會小心保暖,大概2、3個月,就有好消息。」

    之後,雨僑更自爆等待懷孕時,心情緊張,經常會驗孕,在網上購買驗孕的配件,卻按錯了百多條驗孕捧,她又會跟老公一同研究驗孕的結果,真正確定了大家便安心,認真搞笑!

    不過,有BB當然是一件開心事,但其實當中亦是一段非常艱辛的過程;雨僑懷孕的頭3個月經常嘔吐、頭暈與反胃,雖然有妊娠不適的反應,但當一看到BB的超聲波,看到BB郁動、聽到心跳,她與老公也相當感動,一切不適也拋諸腦後。
    雨僑更爆羅力威會為她煮飯,她說:「佢本身完全唔識煮嘢,而家我話想飲蕃茄魚湯,教咗一次佢就識煲。佢好捱得,現時我網上嘅po,佢都有接手做,我就因為疫情,原本有嘅工作都取消咗,可以安心留喺屋企,而家唔會出街,我唔會嫌悶。」
    (綜合報導)
    SHARE