【仔仔無兒童口罩用】呂慧儀鬧爆炒口罩:咪又傳染番畀佢哋

    藝人呂慧儀下午現身電視城,為處境劇《愛.回家開心速遞》開工。談到鄰廠《踩過界2》一眾演員病倒,她坦言公司有加強消毒:「見到工作人員都有噴消毒嘢,大家亦成日戴口罩,最緊要係注重個人衞生啫。」

    談到囝囝「蟹籽」學校放長假,呂慧儀坦言:「安排咗佢喺屋企睇吓戲、做吓練習咁,嚟緊呢14日好緊要,所以冇事都想佢盡量留喺屋企。(撲唔到小朋友口罩?)佢真係冇乜,見到都會買定,不過留喺屋企都安全嘅。」對於小朋友們如同被困,她大表無奈:「我好多朋友都係咁,惟有安排多啲table game同小朋友打發時間。」
    她坦言倘若3月復課時疫情未退又缺口罩,自己未必會送蟹籽上學:「其實依家收工返屋企,都會同佢講媽咪dirty,叫佢唔好埋嚟住,好似回復返去佢BB嘅時候,日日注重衞生工作。」她又鬧爆炒口罩人士:「賣到今季冇人買,搞到啲人病晒,咪又傳染番畀佢哋?點解要團積口罩呢?」
    (綜合報道)
    SHARE