藝人梁靖琪（Toby）去年尾榮升媽媽，12月27日誕下囝囝施睿文（Roman Sze），坐完月嘅Toby新年終於可以「出關」，同老公Jon帶埋囝囝去拜年。
Jon喺社交網大晒多張合照，見佢哋一家三口着上粉紅色家庭唐裝衫，相當溫馨！
約一個月大嘅Roman，全程瞇埋眼瞓覺，完全冇扭計十分乖巧。
Toby對於全家出動拜年非常興奮，佢留言表示：「年初一、我們去街街啦！Sze Family 祝你們新年快樂、身體健康、開開心心。」
一出關立即抱住BB到男家那邊拜年，老爺奶奶新年打扮新潮，樣貌年輕！
（綜合報道）
