【梁靖琪佗住B都比面出席】佘詩曼姚樂怡湯盈盈曾志偉到賀勁熱鬧

    佘詩曼(阿佘)一向都好錫佢班姊姊,今日係好姊妹鍾麗淇(Margaret)嘅43歲生日,阿佘當然抽空同Margaret慶祝….
    除咗阿佘外,其餘「七魔女」成員包括湯盈盈、文頌嫻、姚樂怡等,同埋曾志偉都有現身,場面熱鬧!
    見阿佘攬住Margaret頭貼頭合照,仲以英文留言:「希望你生日同你一樣都係咁特別,祝你人生一切美好,同埋希望你呢日過得開心,親愛的,生日快樂。」
    不過有唔少網民就將個焦點放喺阿佘曬出嘅靚酒上,見到支支都係價值不菲嘅靚酒,估計咁多支酒都約超過10萬,真係飲得好盡興呀!
    另外,Margaret同一班女性朋友影大合照時,同樣係「七魔女」成員嘅梁靖琪即使懷有身孕,亦有現身,咁多人同Margaret慶祝,果然人緣好到爆呀!
    (綜合報道 / on.cc)
    SHARE