【傳當年被侯佩岑介入與周杰倫戀情】14年後舊愛蔡依林終於回應

眾所周知台灣天王周杰倫（周董）同天后蔡依林（Jolin）、藝人侯佩岑拍過拖，有指當年侯佩岑喺不知情下介入Jolin同周董嘅地下情，令兩個女仔一度不和。

雖然周杰倫現時已經有一家四口美滿家庭，而侯佩岑亦同圈外老公組織一家三口幸福家庭，只有Jolin過住精彩嘅單身生活，但有台灣網民仍在為到底應該揀Jolin定侯佩岑而苦惱。

有位網民於討論區發問：「14年過後 蔡依林 侯佩岑 還是選侯佩岑嗎？」唔少網友都回應話依然會揀侯佩岑，仲稱讚「侯佩岑漂亮程度遠勝」，亦有網民指Jolin身材更加好，討論相當熱烈。

估唔到最後仲引起埋Jolin嘅注意，佢於Facebook轉發相關新聞並留言：「The Feast of the Broken hearts（破碎的心的盛宴）~~~#如果你也曾迷茫#我懂你」似乎唔多在乎網友幾乎一面倒揀侯佩岑，完美展現天后嘅高EQ同豁達！