【佢迫我跳落去】張繼聰被古天樂迫跳海 :簡直擁抱大自然質感

    古天樂、張繼聰及宣萱等主演的電影《犯罪現場》,戲中有場戲講述張繼聰在馬灣被古天樂威迫下海,拍攝當日現場所見的水域非常混濁,更不時有排泄物飄過,而阿聰二話不說就跳入海中,拍攝期間難免也喝了幾口海水,但上水後他一臉正經地說:「我今日征服咗呢一帶嘅海域,完全係浸淫同擁抱呢個大自然嘅質感裏面。」

    他還說笑很感謝導演在炎炎夏日,為自己安排了一場透心涼的落水戲:「每個出色嘅演員都有演過跳海戲,所以我算係完成咗個心願。」面對和古天樂演對手戲,張繼聰流露出幸福的神情說:「可以近距離欣賞到古天樂喺快艇上嘅英姿,令到我有一刻真係開心到想跳舞,雖然係佢迫我跳落去,不過我冇嬲。」

    古天樂即回應:「嗰場戲係導演寫佢跳落海,唔係我叫喎!我只係跟住劇本去演繹。一開始都會擔心嘅,點知佢一跳落去可以企喺度,原來嗰度好淺水,佢大半個身係水面。」

    (綜合報導/蘋果娛樂)

    SHARE