無綫節目《森美旅行團》一直大受歡迎，最近已經開拍第三輯，大家仲記唔記得最初第一輯主持有邊幾個呢？
2018年第一輯時除咗森美，就係高海寧（高Ling）、麥美恩，仲有因為偷食而事業直插谷底嘅黃心穎，但當時心穎依然人氣高企…
不過2018年拍第二輯時，高海寧及黃心穎被易角，換上吳若希及丁子朗，當時唔少網民都覺得舊班底比較好，但都有人讚有新鮮感！
嚟到2019年第三輯，森美就喺社交網上載合照，相中四人着上禮服擺型仔POSE影相。
原來今次同樣沿用第二輯班底，有網民笑言無綫飛起黃心穎係一早洞悉先機，留言「冇咗黃心穎組合更完美」，但就笑話最無辜係高Ling，不過唔少網友都大嗌期待呀！
網民話高海寧最無辜喎！大家又點睇新班底呢？
(綜合報道 / on.cc)
