【被轟爛尾】胡定欣姚子羚爆《包青天》結局 原來係咁!

    無綫劇集《包青天再起風雲》昨晚大結局,一如過往多齣受歡迎劇集一樣,結局似為拍續集埋伏線,但有網民留言「我永世都估唔到我竟然睇唔明包青天的結局」。劇中公孫策(曹永廉飾演)和雲千羽(胡定欣飾演)、包拯(譚俊彥飾演)與紀念念(姚子羚飾演)這兩對感情線最令觀眾關注。當千羽在回復公主身份後,跟對面山頭的公孫策說即要刻結婚即刻生仔,但在公孫策走到對面山跟千羽會合時,千羽卻失蹤了。


    鏡頭一轉就是一年後,包拯為查多宗奇案,竟然走去搵靈媒,靈媒說幫包拯找念念亡魂,眨眼清醒後,身處桃花林的包拯被疑殺人遭開封七子追捕,他逃離後又果然遇見亡妻念念,卻又突然被念念施襲,再突然由失蹤一年的千羽卻現身救包拯,跟住就完結,睇到觀眾矇查查不明所以,上網留言「最尾5分鐘想有下集都唔好咁,爛到即刻轉台,九唔搭八」。

    念念姚子羚昨夜就在社交網晒與千羽胡定欣穿戲服的咀嘴照,留言:「千羽同念念最終唔係同公孫策、包大人一齊🙅🏻‍♀️~其實佢地(哋)兩個先係一對!🤣🤣🤣在一起👩‍❤️‍💋‍👩❤️ #包青天再起風雲大結局 #雲千羽 #紀念念 #在一起 #sheshe #一吻定情 #bff」。

    定欣亦轉發子羚這圖,留言:「所以大家睇唔明……….. 塵世間的情情愛愛 又點會咁容易明 結果係點唔重要 最重要呢段時間陪伴大家 多謝您地(哋)支持 一切在心中❤️ #點解我又無呢相張架 #其實第一集岀場我地(哋)已經係一對」。

     

    SHARE