【爆王祖藍咁氹B囡笑…】李亞男:唔使餓又瘦咗20幾磅

    藝人李亞男到九龍灣出席教育生活體驗展活動,她於去年底與王祖藍誕下愛女,見她身形纖瘦修身成功,她直言有跟營養師餐單:「唔辛苦,可以一日三餐有飯食,唔使餓又瘦咗20幾磅。」

    亞男表示已適應湊BB,每日見證她的變化,雖然攰也很開心!

    「佢開始可以食粥仔,會追住匙羹食,我又會陪佢睇BB動物書,我日日就扮狗叫、扮牛叫,加深佢記憶,希望佢一歲就識講嘢,我好期待同BB快啲傾偈。」

    祖藍一向是出色笑匠,但亞男笑言他氹BB笑也有相當難度:「BB好難笑,佢出盡渾身解數,扮得好浮誇,BB先笑一下。(你氹BB叻啲?)可能我日日對住,佢就忙啲,有時BB早瞓,佢都唔捨得嘈醒BB。」

    她又表示最近BB看了醫生,身形比例偏高,將來大有機會是高妹:「十個當中排第九,好開心我基因贏咗,祖藍話驚第時要岳高頭同個女講嘢,所以依家要好好珍惜仲未高過佢嘅時間。」

    (on.cc)

    SHARE