現年47歲嘅藝人袁詠儀（靚靚）近年多參加大陸真人騷拍攝，同老公張智霖孖住搵人仔，大Sell模範夫妻典範。
最近佢接受大陸時尚媒體專訪。
向來惜肉如金嘅佢以一襲Deep V高衩裙上陣，激罕大晒身材，長腿令人眼前一亮，連網友都紛紛大讚Keep得勁好！
訪問中提到佢同老公被公認係模範夫妻，佢笑說「模範」係指二人的相處模式：「並不是說我們就不可以有小矛盾或小爭吵，反正不管別人怎麼說，我們還是會按照自己的節奏生活。」
而結婚多年嘅佢，又認為愛應該係相互包容、相互珍惜，感情係需要兩人去經營：「平淡共度一生，才是最大的幸福、最浪漫的事情。」
(on.cc)
