港姐出身的盧淑儀於1992年奪冠軍後不久，便與李克勤相戀，2人自2006年結婚後，先後誕下2子，分別為現年11歲的Ryan及9歲大的Rex。
克勤近年密密北上開騷登台，盧淑儀則留港照顧一對兒子，只間中做「跟得夫人」，本月初便陪過克勤到西藏拉薩開騷。
Emily昨日家有喜事！
佢喺網上甫出妹妹婚禮照，原來妹妹在巴黎出閣。
相中見兩姊妹肉緊相擁合照，又齊齊擺出嘟嘴表情，隔住個mon都feel到佢哋幾咁開心！其中一張，Emily仲拍低妹妹同妹夫錫錫照，溫馨甜蜜！佢留言話：「祝你哋永遠幸福！一個好難忘嘅婚禮。」
錫到妹妹燶嘅Emily送上祝福之餘，不忘叮囑妹夫，要把妹妹視如女王般看待。其實當年Emily結婚時，妹妹就擔任佢伴娘，如今到Emily送上最真摰嘅祝福畀妹妹！
不過，盧淑儀相中未見老公克勤及一對兒子的身影，其中在克勤的社交網站中，見到他放了一段搭火車時，在車廂拍攝的短片，並透露自己前往湖南的永州，而盧淑儀有讚好老公的post，相信她亦體諒老公因公缺席。
盧淑儀出post後，好友邱李茂琪及陳貝兒等都有留言恭賀。
Emily一向都同家人感情要好。
盧淑儀去年公開的家庭聚會照中，也見到其胞妹及未婚夫的身影。
(綜合報道)
