今日係「5．20」，普通話諧音「我愛你」大日子，唔少圈中藝人都趁機放閃，向愛人表達愛意！羅家英再次向阿姐汪明荃表達愛意，感動全程！
(相關新聞：https://bit.ly/2QejWih)
兩女之母熊黛林（Lynn）就晒出同老公郭可頌齊齊同貓頭鷹嘅合照，亦向老公表示：「520」！
至於近日忙於拍攝無綫新劇《大醬園》嘅無綫花旦朱晨麗，就晒出同緋聞男友何廣沛嘅合照，兩個都化有傷嘅妝，留言：「聽講打者愛也，愛者打多幾下……你落手真係重啊！#520」
而何廣沛仲留言：「等我繼續打多幾下先！」一班網民都留意到個重點係520，似乎朱晨麗趁住呢日宣布戀情喎！
(綜合報道 / on.cc)
