【搞到成面血都唔嬲】范瑋琪:今天我和賤內結婚滿八年了

    台灣藝人陳建州(黑人)2011年娶咗女星范瑋琪(范范),話咁快今日就係佢哋結婚8周年!

    婚後育有孖仔飛飛翔翔,深受網民喜愛!

    ▲飛飛翔翔快速抽高,最近成為熱門話題。(圖/翻攝自黑人Instagram)

    黑人一向古靈精怪,估唔到連慶祝結婚周年佢都要整蠱老婆,見佢拎住唇膏喺范范面上畫血漬,雖然范范個樣幾無奈,但難得佢又真係翹埋雙手坐喺度畀佢畫!

    唔怪得黑人留言:「不知不覺結婚8周年了,希望每天都可以像這天一樣脾氣好!」網友都話黑人好大膽,仲問佢:「你的求生欲都不要了嗎?」

    更有網友搞笑話:「你是不想過9周年了吧!」不過更搞笑嘅係范范竟然搞錯咗以為結婚7周年,其後先改番話:「謝謝眾多友人提醒,今天我和賤內結婚滿八年了。」

    呢句「賤內」就睇得出佢對黑人又愛又恨,但都係一樣咁Sweet呀!

    (on.cc)

    SHARE