台灣男星趙又廷與高圓圓今個月初報喜，宣布即將做父母！
深居簡出嘅圓圓雖然要專心養胎，不過兩公婆最近就被影到外出逛街，兩人為BB出世做好準備，圓圓大肚照亦首度曝光！
當晚嘅圓圓着上黑色長裙及大褸，腳踏矮踭鞋，腹部明顯凸起，似乎已進入預產期！而趙又廷就傍實老婆，仲扶到實一實，兩人又不時相視對望，相當甜蜜！
而佗B後嘅高圓圓胃口仲好好，叫助手買咗好多小食及雪糕，到停車場後，老公先整理車內雜物，之後先上車。
雖然兩人未透露BB性別，不過圓圓經理人近日又去嬰兒用品專門店揀BB車，最後買咗架粉紅色BB車，網民都紛紛猜測係咪佗B女呢？
(綜合報道 / on.cc)
