【孖仔女冧爆陳豪!】陳茵媺:為我們帶來彩虹

    尋日(16日)係藝人陳豪48歲生日,太太陳茵媺(Aimee)就孖仔女為老公喺屋企搞咗個溫馨嘅生日會!

    除咗以氣球「HAPPY BIRTHDAY」布置,Aimee仲同三個仔女一齊整咗個彩虹生日蛋糕畀陳豪添!

    Aimee喺Instagram上載全家福,見到Aimee夾住個花花頭夾,成個少女咁!而兩個仔仔同小公主都攬住爸爸影相,真係好Sweet啊!

    陳豪就梗係冧到爆啦~Aimee留言除咗祝老公生日快樂,仲話老公進入每間房都好似帶來彩虹一樣!

    之後Aimee再上載短片,原來佢哋勁有心思咁整左「爆炸禮物盒」,入面有齊四個人嘅祝福送畀壽星仔,超靚!

    字裏行間都充滿住愛,網民都好羨慕呢家人好幸福呀!

    鍾嘉欣、謝安琪等都即留言大讚!

    (IG)

    SHARE