吳綺莉（Elaine）、張文慈（Pinky）、陳少霞老公李文輝、黎燕珊及袁潔儀等去到又一城戲院出席電影《奇蹟的突破》首映禮。Elaine與友人到來，她說：「而家一切如常。」
問到Elaine有否帶女兒吳卓林返教會，Elaine說：「佢不嬲都信基督，至於返教會，睇自己，通常我自己返，我外公係牧師。」
對於早前報警搵女，Elaine說：「唔講。」但她透露已有一段時間沒與卓林見面，不過估計女兒仍在香港，對於卓林表示有與媽媽WhatsApp溝通，Elaine說：「是但啦，佢都成20歲，我17歲嘅時候都已經選美，佢而家都大個女。」
Elaine早前報警搵女，卓林叫阿媽睇醫生（相關新聞：https://goo.gl/Wi4e8e），Elaine表示沒看新聞。
另外，李文輝透露，現年42歲的陳少霞現在懷孕6個月，不過暫時不公佈BB性別。
李文輝說：「係神賜畀我哋嘅禮物，太太而家好平安，係生命嘅奇蹟，要準備執BB房。」
Pinky早前與73歲的爸爸第一次去旅行，她說：「爸爸好怕搭飛機，今次第一次去台灣，佢好開心，成家人一齊去睇日出，可惜我起唔到身，家姐帶佢哋去。」
Pinky隨後會坐郵輪到歐洲旅行，她說：「原先想等老公陪我去，但係等極都未等到佢出現。」
商天娥（右）亦有現身。
(綜合報道/apple daily)
