【勁減30磅超犀利!】素顏謝安琪Fit爆出巡一樣咁吸睛

    「天后人妻」謝安琪(Kay)和張繼聰婚後育有11歲兒子張瞻和2歲女兒張靖,一家四口幸福美滿。

    除產女時「停工」年多外,她一直專注音樂事業,年多前被Juno收歸旗下,Kay在新公司的打造下,由「貼地女神」變成「型格天后」,主力出碟、開演唱會外,因形象獨特,成為各大服裝及護膚品牌的代言人,身價比未轉「型」前飆升一倍。

    屬完美主義的Kay,除了要工作表現超水準外,對自身亦要求高,因懷孕關係,體重曾達130磅,令本是34D Cup女神的她,上圍變得更為澎湃,但「卸貨」後簽了新公司,接納Juno的「提議」,憑無敵意志力用自然減肥法瘦身,狂跑步、做Gym、爬山及做瑜伽等,於一年來成功減去30磅肥膏,由於非靠藥物減磅,在零副作用下,瘦得更靚更自然。

    最近忙於宣傳新歌《其實寂寞》的Kay,日前百忙中抽空單拖出巡中環處理私務,當日她零化妝、穿上貼身黑色Deep V上衣襯百摺灰色長裙,打扮簡約,甚有品味。

    當她在馬路邊低頭狂撳電話等綠燈過馬路時,其艷光吸引到身邊一眾男途人向她投注目禮。期間遇上募捐的輪椅人士,愛心爆棚的她即慷慨解囊,才匆匆步入大廈,並逗留了個多小時才往取車返歸。

    昨日Kay接受電話訪問時,被讚身材Fit爆,她說:「我依家磅數同未生女時差唔多,都係100磅度,不過生女後,我有做運動瘦身,做咗一年左右,每星期有三日做負重訓練,真係要舉重,多得健身教練指導我,可以重塑身形。自己平日一得閒就聽住歌咁跑步,但唔係跑得好快、好長嗰啲,感受吓做運動嘅樂趣。」至於飲食方面,她會食足三餐,間中獎勵自己飲咖啡、奶茶。

    問到新工作安排?她稱和Juno有首合唱歌《暴烈˙34》,早前更拍了超激MV:「我同佢有一場好激烈嘅對手戲,就快會推出。」

    之前亦接拍了不少品牌廣告,而她最開心是其新歌《其實寂寞》反應好,登上各音樂平台流行榜的NO.1。

     

    (綜合報道/on.cc)

    SHARE