今次仲加入唔少新角色，好似陳瀅咁就係其中一個喇。咁一班人本身夠Friend底，拍攝現場更加係笑聲滿載，今次就有佢請飲珍珠奶茶，But……似乎全場淨係得陳瀅有得飲咋喎？
無綫劇集《降魔的2.0》依家已經開拍緊，上集多位主角馬國明、胡鴻鈞、黃智雯、劉佩玥等都有得留低。
話晒女友嘅好姐妹即係自己嘅好姐妹，馬國明女友黃心穎本身就同陳瀅friend到爆，咁即係好姐妹啦！
咁馬國明嘅「好姐妹」阿陳瀅開到聲話想飲珍奶，馬國明即刻第一時間去買！
陳瀅冇啦啦畀人當公主咁錫，佢都冧冧豬喪讚馬國明靚仔，心心眼出晒嚟，仲喺鏡頭前左擰右擰，而馬國明就狂嗌陳瀅做「瀅姐」，明明自己出錢都仲話：「唔好理邊個請，阿瀅姐話想飲啦總之！」
真係畀足面「好姐妹」，咁識做，睇嚟行「姐妹政策」都Work喎！
(on.cc)
