現時1歲多大嘅B囡眼仔睩睩，真係愈大愈可愛！
仲好識擺甫士添！
不過唔知係咪佢頭髮短，同埋成日着褲仔示人嘅關係，竟然接二連三畀人認錯做男仔！
藝人賈曉晨（JJ）不時喺社交網大晒囡囡「小飯兜」嘅成長點滴，有囡萬事足！
呢日，JJ晒出一張囡囡坐喺購物車上嘅近照，相中見佢着上牛仔褸配黑色長褲，驟眼睇真係有少少似男仔。
難怪有店員唔小心認錯，叫咗「小飯兜」做「小帥哥」，搞到JJ只好無奈地回應對方：「是小美女，謝謝…」
其實「小飯兜」已經唔係第一次畀人認錯做男仔，之前佢就試過畀人讚佢「好靚仔」，結果搞到嬲爆爆咁，相當搞笑！
其實小飯兜好識撒嬌！
(綜合報道/on.cc)
