【安排父母再影婚紗相】陳琪:做仔女嘅,能力範圍內做到都好想做

    藝人陳琪日前為爸爸舉行70大壽的派對,為了配合不要「娘」要「潮」的主題,陳琪棄用傳統擺喜宴形式,改為以年輕化主題。

    陳琪透露今次壽宴由她和妹妹一手策劃,自覺非常成功,她說:「當中好多朋友都有小朋友,咁多小朋友陪爸爸玩,令佢可以返老還童。我話你70歲,我當7歲小朋友生日會咁搞,對父母嚟講係開心嘅。」

    小朋友就玩得最開心!


    席上有攤位遊戲玩,贏咗仲可以有公仔送添~

     

    又安排父母再影的婚紗相,氹得兩老相當開心!其父笑言這個壽宴氣氛,比起當年結婚更熱鬧。

     

    陳琪透露爸爸和媽媽都已經退休,但很喜歡釣魚,所以派對主題是「船」。

    她解釋:「代表父母幾十年來都能同舟共濟,風雨同路,佢哋到而家都咁恩愛,得閒就一齊去釣魚,好有人生樂趣。」

    「佢哋初時唔肯怕羞㗎,但其實口不對心,影完都不知幾開心,我哋做仔女嘅,能力範圍內做到都好想做,等佢兩老有個美好回憶!就連我個仔都大讚今次派對主題,話遲啲佢生日都想要一個!」

    為送給爸爸一個難忘回憶,陳琪和妹妹還安排三代同堂一齊影婚紗相,陳琪笑說:「父母年輕時冇影過婚紗相,我同妹妹就做花女,雖然年紀大啲,但都好企理,仲有兩個家庭一齊影,好開心。」

     

     

     

     

    (facebook / 綜合報道)

    SHARE